Leninqrad vilayətində içərisində 8 uşaq olan məktəb avtobusu aşıb.
"Operativ Məlumat Mərkəzi-OMM" xəbər verir ki, bu barədə Sankt-Peterburq və Leninqrad vilayəti üzrə Baş İdarəsinin rəsmi Telearam kanalında məlumat verilib.
Qəza Leninqrad vilayətinin Vıborq rayonunda Peski - Sosnovo - Podqorye şossesində baş verib.
Daxili İşlər Nazirliyinin Baş İdarəsindən verilən məlumata görə, 38 yaşlı avtobus sürücüsü sürüşkən yolda idarəetməsini itirib və avtomobil sürüşərək yan tərəfə aşıb.
Qəza zamanı avtobusda 8 uşaq olub, xəsarət alan olmayıb. Hadisə yerinə Dövlət Yol Müfəttişliyinin əməkdaşları gəlib. Hazırda yol-nəqliyyat hadisəsinin baş vermə şəraiti müəyyənləşdirilir.
