İranda internet böhranı yeni miqrasiya dalğasına səbəb olub
“Operativ Məlumat Mərkəzi-OMM” xəbər verir ki, İranda son 65 gündə beynəlxalq internetə çıxışda davamlı fasilələr müşahidə olunur və bu vəziyyət informasiya axınının məhdudlaşmasına gətirib çıxarıb.
Məlumata görə, yaranmış böhran nəticəsində informasiya resurslarına çıxış sosial və iqtisadi bərabərsizlik göstəricisinə çevrilib. Bu isə ölkədə yeni xarakterli miqrasiya tendensiyası formalaşdırıb.
Bildirilib ki, xüsusilə İrandan xaricə, o cümlədən Ermənistan və Türkiyəyə qısamüddətli və təcili miqrasiya halları artıb.
Qeyd olunub ki, qlobal bazarlardan asılı şəkildə fəaliyyət göstərən biznes sahibləri və mütəxəssislər işlərini davam etdirmək və gəlirlərini qorumaq üçün müvəqqəti olaraq ölkəni tərk etmək məcburiyyətində qalırlar.
