İbrahima Konate "Liverpool" ilə müqaviləsinin müddətini uzatmağa çox yaxındır.
"Operativ Məlumat Mərkəzi-OMM" xəbər verir ki, bu barədə insayder Nikolo Skira məlumat yayıb.
Yaxın vaxtlarda tərəflər arasında son detalların razılaşdırılması gözlənilir.
İngiltərə təmsilçisi bu məsələni həftənin sonuna qədər yekunlaşdırmağı planlaşdırır.
Məlumata görə, mərkəz müdafiəçisi rəhbərliyin ilk iki təklifini rədd etdikdən sonra nəhayət ki, yeni şərtlərlə razılaşıb.
Yeni müqaviləyə əsasən, Konatenin maaşında əhəmiyyətli dərəcədə artım olacaq.
Qeyd edək ki, futbolçunun karyerası ilə bağlı bəzi maraqlı məqamlar da diqqət çəkir:
Qış transfer pəncərəsində o, Səudiyyə Ərəbistanı klublarından birinin irəli sürdüyü böyük maliyyə təklifindən imtina edib.
Ötən yay Konatenin adı "Real" klubu ilə hallansa da, cari mövsümdəki qeyri-sabit çıxışı bu transfer iddialarını gündəmdən çıxarıb.
