Gürcüstanın Baş naziri İrakli Kobaxidze Ermənistanın ədliyyə naziri Srbui Qalyanla görüşüb.
"Operativ Məlumat Mərkəzi-OMM" xəbər verir ki, tərəflər Gürcüstanla Ermənistan arasında strateji tərəfdaşlıq və mehriban qonşuluq münasibətlərini müzakirə ediblər.
Görüşdə iki ölkə arasında müxtəlif ikitərəfli və beynəlxalq formatlarda əməkdaşlıq nəzərdən keçirilib, ədliyyə sahəsində səmərəli tərəfdaşlığa və təcrübə mübadiləsinin vacibliyinə diqqət yetirilib.
Cənubi Qafqazda davamlı sülhün bərqərar olmasının, həmçinin regionun uzunmüddətli və sabit inkişafının vacibliyi vurğulanıb.
Qalyan Gürcüstan-Ermənistan Hüquq Forumu çərçivəsində Tbilisidə səfərdədir.
