"Arsenal" klubunun 19 yaşlı vingeri İtan Nvaneri yay transfer pəncərəsində komandanı tərk edə bilər.
"Operativ Məlumat Mərkəzi-OMM" xarici KİV-ə istinadən xəbər verir ki, gənc futbolçuya bir neçə tanınmış klub maraq göstərir.
Mənbənin sözlərinə görə, oyunçuya ən ciddi maraq "Borussiya Dortmund" tərəfindəndir. Bundan əlavə, İtaliyanın "Milan" və "Yuventus" klubları da vəziyyəti diqqətlə izləyirlər.
İtan Nvaneri London təmsilçisinin yetirməsidir və 2024-cü ildən əsas komandanın heyətində çıxış edir.
O, bu ilin qışından etibarən icarə əsasında Fransanın "Marsel" klubunda oynayır. Futbolçu burada keçirdiyi 22 matçda 3 qol vurub və 1 məhsuldar ötürmə edib.
Qeyd edək ki, Nvanerinin "Arsenal" ilə müqaviləsi 2030-cu ilin yayına qədər qüvvədədir. "Transfermarkt" portalı vingerin bazar dəyərini 40 milyon avro olaraq qiymətləndirir.
