İsraildə məktəblər bağlandı, kütləvi tədbirlər qadağan edildi

İsrail ordusu ölkədəki təhlükəsizlik vəziyyəti ilə əlaqədar olaraq yeni məhdudiyyətlər tətbiq edib.

"Operativ Məlumat Mərkəzi-OMM" xarici KİV-ə istinadən xəbər verir ki, ölkə ərazisindəki bütün təhsil müəssisələri fəaliyyətini dayandırıb.

Hərbi rəhbərliyin qərarına əsasən, aşağıdakı tədbirlərin görülməsi məcburi hesab edilib:

• Bütün məktəblər və digər təhsil ocaqları müvəqqəti olaraq bağlanıb;
• İctimai yerlərdə kütləvi toplantıların keçirilməsinə qəti qadağa qoyulub;
• Mülki müdafiə qaydaları ən yüksək səviyyəyə çatdırılıb.

Bu qərarların bölgədə artan gərginlik fonunda ehtiyat tədbiri olaraq qəbul edildiyi bildirilir.

İsrail hərbi rəsmiləri vətəndaşları ehtiyatlı olmağa və rəsmi təlimatlara ciddi şəkildə əməl etməyə çağırıb.