İspaniyanın Tehrandakı səfirliyi rəsmi olaraq öz fəaliyyətini bərpa edib.
“Operativ Məlumat Mərkəzi-OMM”-in məlumatına görə, bu barədə diplomatik nümayəndəliyin mətbuat xidməti "X" hesabında bildirib.
"Səfir Antonio Sançes-Benedito Qaspar diplomatik komanda və yerli əməkdaşlarla birlikdə sülhü dəstəkləmək öhdəliyi ilə fəaliyyətini bərpa edir", - deyə diplomatik missiyadan qeyd ediblər. Xatırladaq ki, İspaniyanın xarici işlər naziri Xose Manuel Albares hələ 9 aprel tarixində səfirliyin işini bərpa etmək niyyətini açıqlamışdı.
Bu qərar Donald Trampın elan etdiyi atəşkəsdən sonra qəbul edilib. Qeyd edək ki, İspaniya diplomatları məhz ABŞ və İsrailin hərbi əməliyyatları başladıqdan sonra İran paytaxtından təxliyə edilmişdilər.
