"Turan Tovuz"un İdarə Heyətinin sədri Ehtiram Quliyev yenidən pul kisəsinin ağzını geniş aralayıb.
"Operativ Məlumat Mərkəzi-OMM" xəbər verir ki, iş adamı Premyer Liqanın dördüncü turunda "Qarabağ"a səfərdə 1:0 hesabıyla qalib gələn komandasına böyük məbləğdə mükafat ödəyib.
Otto Conun penaltidən vurduğu qolla qələbə qazanan qərb təmsilçisinin futbolçuları ümumilikdə 80 min manat irəli düşüb.
Tovuz klubu 4 turdan sonra turnir cədvəlinin lideridir. Büdcəsini artırılan və avrokuboklara iddia edən kollektivin aktivində 10 xal var.
