"İsrailin dünən Qəzzada olan Cibaliya Qaçqınlar Düşərgəsini bombalamasından sonra baş verən çox sayda insan itkisi məni dərindən sarsıtdı".
"Operativ Məlumat Mərkəzi-OMM" xarici KİV-ə istinadən xəbər verir ki, bunu İrlandiyanın Xarici İşlər və Müdafiə naziri Mikel Martin qeyd edib.
Ölkəsinin dəfələrlə İsrailin özünümüdafiə hüququnun “Beynəlxalq Humanitar Hüququn parametrləri daxilində” olması lazım olduğunu açıq şəkildə ifadə etdiyini xatırladan Martin, -“Bu o deməkdir ki, ayrı-seçkilik, zərurilik, mütənasiblik və ehtiyatlılıq prinsiplərinə riayət edilməlidir. Hərbi əməliyyatların aparılarkən mülki şəxslər qorunmalıdır”,- deyə vurğulayıb.
