İranda 2022-ci ilin sentyabrında başlayan və təxminən 4 aya yaxın davam edən etiraz aksiyalarının təşkilatçılığına görə edam cəzasına məhkum edilən iranlı rep ifaçısı Tumac Salihi haqqında verilən edam hökmü Ali Məhkəmə tərəfindən ləğv edilib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, İranlı rep ifaçısı Tumac Salihinin vəkili Əmir Rəisiyan "X" sosial media hesabında paylaşdığı açıqlamada müvəkkilinə İsfahan İnqilab Məhkəməsinin verdiyi edam hökmünün Ali Apellyasiya Məhkəməsinin 39-cu Palatası tərəfindən ləğv edildiyini bildirib.

İşə yenidən baxılacağını bildirən Reisiyan, "Gözlənildiyi kimi, Ali Məhkəmə düzəlməz bir məhkəmə səhvindən qaçdı",- deyə qeyd edib.

Xatırladaq ki, İranda 2022-ci ilin sentyabrında başlayan və təxminən 4 ay davam edən nümayişləri təşkil etməkdə günahlandırılan iranlı rep müğənnisi Salihi edam cəzasına məhkum edilsə də, daha sonra Ali Məhkəmə onun cəzasını həbslə əvəzləyib.

Rusiyanın Dağıstan Respublikasının paytaxtı Mahaçqala şəhərində yerləşən yanacaqdoldurma məntəqəsində baş verən partlayış nəticəsində ölənlərin sayı 12 nəfərə çatıb, 4 zərərçəkən isə xəstəxanalarda qalır.

"Operativ Məlumat Mərkəzi-OMM" xəbər verir ki, bu barədə jurnalistlərə Rusiya Federasiyasının səhiyyə nazirinin köməkçisi Aleksey Kuznetsov məlumat verib.

Məlumata görə, zərərçəkənlərdən birinin vəziyyəti ağır, üçünün vəziyyəti orta ağır qiymətləndirilir. Onların hər biri lazımi tibbi yardımla təmin olunub.

Qeyd edək ki, ötən gün Mahaçqalada yanacaqdoldurma məntəqəsində partlayış baş verib.

Türkiyə, İran və Rusiya xarici işlər nazirləri keçirdikləri birgə iclasda İsrailin Suriyaya hücumunu müzakirə edib.

"Operativ Məlumat Mərkəzi-OMM" xəbər verir ki, məlumatı “Mehr” agentliyi yayıb.

Məlumata görə, Türkiyənin xarici işlər naziri Hakan Fidan, İranın XİN başçısı Abbas Əraqçi və onların rusiyalı həmkarı Sergey Lavorv BMT Baş Assambleyasının 79-cu sessiyası çərçivəsində üçtərəfli görüş keçirib.

Bildirilib ki, sentyabrın 28-də nazirlər Suriya üzrə Astana prosesini də müzakirə ediblər.

Tərəflər İsrail-Fələstin münaqişəsinin Livan və Suriyadakı vəziyyətə mənfi təsirindən də danışıblar.

İran və Ermənistan Araz çayı üzərində tikiləcək ikinci körpünün texniki məsələlərinin müzakirəsini davam etdirir.

"Operativ Məlumat Mərkəzi-OMM" “Sputnik Armenia”ya istinadən xəbər verir ki, bu barədə Ermənistanın Ərazi İdarəetmə və İnfrastruktur Nazirliyinin mətbuat xidməti bildirib.

Məlumata görə, bu ilin mayında layihənin həyata keçirilməsi məqsədilə işçi qrup yaradılıb.

Vurğulanıb ki, Araz çayı üzərindən Ermənistanın yeni körpünün çəkilməsi 2023-cü ilin sonunda planlaşdırılıb. Mövcud körpü 1995-ci ildə tikilib.

İranın ali rəhbəri Seyid Əli Xamənei Livan “Hizbullah”ının lideri Həsən Nəsrullahın hədəfə alınmasından sonra Təhlükəsizlik Şurasının təcili iclasını çağırıb.

"Operativ Məlumat Mərkəzi-OMM" xəbər verir ki, məlumatı “Azad İran” yayıb.

Məlumata görə, iclas İsrail ordusunun Beyrutun cənubunda “Hizbullah”ın mövqelərinə hücumundan və qruplaşmanın lideri Həsən Nəsrullahın hədəf alınmasından sonra çağırılıb.

Qeyri-rəsmi mənbələrə görə, İsrail qruplaşması "Hizbullah"ın Beyrutdakı mərkəzi qərargahını bombalayıb. Həsən Nəsrullahın da orada olduğu iddia olunur. Əməliyyat nəticəsində onun və iranlı generalın öldüyünə dair məlumatlar yayılıb.

Sosial şəbəkədə İran İnqilab Keşikçiləri Qvardiyasının (Sepah) Qüds qanadının komandanının əməliyyat üzrə müavini general Abbas Nilfuruşanın öldürülməsi ilə bağlı paylaşımlar edilib.

Məlumata görə, İsrail Hərbi Hava Qüvvələrinin sentyabrın 27-də Beyrutun Dahiya bölgəsinə endirdiyi hava zərbələrindən sonra Sepah generalının ölümü ilə bağlı xəbərlər yayılıb.

Dağıstanda yanacaqdoldurma məntəqəsində baş vermiş partlayış nəticəsində ölənlərin sayı 10 nəfərə çatıb.

"Operativ Məlumat Mərkəzi-OMM" xəbər verir ki, bu barədə TASS-a Rusiya Fövqəladə Hallar Nazirliyinin mətbuat xidmətindən məlumat verilib.

Dağıstanın rəhbəri Sergey Melikov daha əvvəl altı nəfərin öldüyünü, 10 nəfərin yaralandığını bildirmişdi.