İranın Şərqi Azərbaycan əyalətinin mərkəzi Təbrizin yay parkındakı kanalizasiya xəttində baş verən partlayış nəticəsində 4 nəfər yaralanıb.

"Operativ Məlumat Mərkəzi-OMM" İRNA-ya istinadən xəbər verir ki, bu barədə fövqəladə hallar qurumunun ictimaiyyətlə əlaqələr üzrə rəsmisi Vahid Şadiniya bildirib.

Məlumata görə, yaralılar Təbrizdəki İmam Rza xəstəxanasına yerləşdirilib.

Şərqi Azərbaycan əyaləti Fövqəlada Hallar İdarəsi mətbuat xidmətinin məlumatına əsasən, Bostanabad rayonunun İranak kəndində təbii qaz balonunun partlaması nəticəsində isə 6 nəfər yaralanıb. Onlar hospitala yerləşdirilib.

Latviya, Litva, Estoniya və İslandiyanın xarici işlər nazirləri Gürcüstana gəliblər.

"Operativ Məlumat Mərkəzi-OMM" xəbər verir ki, diplomatların səfəri Gürcüstanın ölkədə kütləvi etirazlara səbəb olan xarici agentlər haqqında qanunu qəbul etməsi ilə bağlıdır.

Nazirlər Tiflisi Avropa İttifaqına üzvlük prosesini dayandırmaqla hədələyərək qanundan imtina etməyə inandırmağı planlaşdırırlar.

Türkiyənin İzmir vilayətində, Egey dənizində 4,5 maqnitudalı zəlzələ olub.

"Operativ Məlumat Mərkəzi-OMM" xəbər verir ki, bu barədə Türkiyənin Fəlakət və Fövqəladə Halların İdarə Olunması İdarəsi (AFAD) məlumat yayıb.

Bildirilib ki, zəlzələnin episentri 7 kilometr dərinlikdə yerləşib.

Qeyd edilib ki, ilk təkanın ardınca 3,7 maqnitudalı daha bir zəlzələ qeydə alınıb.

Rusiya Prezidenti Vladimir Putinin Çinə səfəri zamanı Çin lideri Si Cinpin ilə danışıqlarının əsas mövzularından biri enerji sektorunda yeni təşəbbüslər olacaq.

"Operativ Məlumat Mərkəzi-OMM" TASS-a istinadən xəbər verir ki, bu barədə Rusiya dövlət başçısının köməkçisi Yuri Uşakov brifinqdə məlumat verib.

“İkitərəfli əməkdaşlığın əsas hərəkətverici qüvvəsi energetikadır. Ötən il Çinə neft, boru kəməri ilə qaz, LNG və kömür təchizatı üzrə rekordlar yenidən qırılıb. Liderlərin danışıqlarında, təbii ki, enerji sahəsində yeni təşəbbüslər də müzakirə olunacaq”, - Y.Uşakov deyib.

Rusiya Xarkovda hündürmərtəbəli yaşayış binasına zərbələr endirib.

"Operativ Məlumat Mərkəzi-OMM" Ukrayna mətbuatına istinadən xəbər verir ki, bu barədə Xarkov hərbi administrasiyasının rəhbəri Oleq Sinequbov bildirib.

Onun sözlərinə görə, hündürmərtəbəli binaya və yaxınlıqdakı əraziyə zərbələr nəticəsində 15 nəfər xəsarət alıb. Yaralılardan birinin vəziyyətinin ağır olduğu qeyd olunub.

Gürcüstan parlamentinin binasında xüsusi təyinatlılar etirazçıları saxlamağa başlayıb. Saxlanılanlar arasında “Anti-işğal hərəkatı”nın lideri Davit Katsarava da var.

"Operativ Məlumat Mərkəzi-OMM" xəbər verir ki, bu barədə Gürcüstan KİV-i məlumat yayıb.

Bildirilib ki, qalmaqallı “Xarici təsirin şəffaflığı haqqında” qanun layihəsinin qəbulundan sonra bir qrup etirazçı parlament binasının yaxınlığındakı hasarı sındırıb.

Gürcüstan parlamentində iğtişaşlarla əlaqədar qırmızı təhlükəsizlik səviyyəsi tətbiq edilib.

Qeyd edək ki, etirazlara baxmayaraq, Gürcüstan parlamenti bu gün hakim “Gürcü Arzusu” partiyasının təqdim etdiyi “Xarici təsirin şəffaflığı haqqında” qanun layihəsini üçüncü oxunuşda qəbul edib.