İranın keçmiş prezidenti Mahmud Əhmədinejad və ölkənin keçmiş kəşfiyyat naziri Əli Yunusi İranın dövlət qurumları daxilində İsrail kəşfiyyat xidməti "Mossad"ın çoxlu agentlərinin olduğunu bildiriblər.
"Operativ Məlumat Mərkəzi-OMM" “Hürriyet” qəzetinə istinadən xəbər verir ki, "Mossad"ın küçələrdə və dövlət qurumlarında olması o qədər böyükdür ki, istənilən şəxsə qarşı sui-qəsd həyata keçirməyə imkan verir.
"İsrail İran daxilində mürəkkəb əməliyyatlar aparır. Onlar asanlıqla kritik məlumatları əldə edə bilirlər", - Əhmədinejad bildirib.
