İran Prezidenti İbrahim Rəisi Çində səfərdədir.

"Operativ Məlumat Mərkəzi - OMM" xəbər verir ki, bu barədə İRNA məlumat yayıb.

Bildirilib ki, onu fevralın 14-də səhər saatlarında Pekində hava limanında Çinin mədəniyyət və turizm naziri qarşılayıb.

Vurğulanıb ki, səfər Çin sədri Si Cinpinin dəvəti ilə reallaşıb. Məlumata görə, İbrahim Rəisi Çin lideri, Baş naziri, parlament sədri ilə görüşəcək. Bundan sonra nümyəndə heyətləri arasında görüş nəzərdə tutulub. Səfər zamanı tərəflər arasında bir sıra sənədlər də imzalanacaq.

Qeyd edək ki, son 20 ildə bu, İran Prezidentinin Çinə ilk rəsmi səfəridir.

Böyük Britaniya səfirliyinin nümayəndəsi Rusiya Xarici İşlər Nazirliyinə çağırılıb.

"Operativ Məlumat Mərkəzi-OMM" xəbər verir ki, bu barədə nazirliyin mətbuat xidməti məlumat yayıb.

Xarici İşlər Nazirliyi bu addımı açıq şəkildə ikitərəfli münasibətlərə düzəlməz zərər vuran siyasi motivli hərəkət kimi qiymətləndirdiklərini vurğulayıb.

Britaniyalı diplomata həmçinin məlumat verilib ki, Böyük Britaniyanın Moskvadakı səfirliyinin müdafiə attaşesinin qərarına cavab olaraq “persona non-qrata” elan edilib.

O, bir həftə ərzində Rusiyanı tərk etməlidir.

Rusiya Xarici İşlər Nazirliyinin reaksiyasının bu tədbirlə məhdud olmadığı vurğulanıb.

Bölgədə artan gərginliyi nəzərə alsaq, İsrail və Fələstin arasındakı münaqişənin ədalətli həllinin tapılması xüsusilə vacibdir.

"Operativ Məlumat Mərkəzi-OMM" xəbər verir ki, bunu Rusiya prezidenti Vladimir Putin deyib.

“Bu faciəli hadisələr fonunda Fələstin məsələsinin beynəlxalq səviyyədə tanınmış ədalətli həlli xüsusilə vacibdir”, - deyən Rusiya lideri əlavə edib ki, bu gün Yaxın Şərq öz tarixinin ən çətin böhranlarından birini yaşayır.

Putin Fələstin-İsrail münaqişəsinin kəskinləşməsinin qonşu ölkələrdə və bütövlükdə regionda gərginliyin artmasına səbəb olduğunu vurğulayıb.

İranın Xorasan Rəzəvi əyalətinə yağan fasiləsiz yağışlar zamanı baş verən daşqınlar nəticəsində azı yeddi nəfər ölüb, bir neçə sakin itkin düşüb.

"Operativ Məlumat Mərkəzi-OMM" İRNA-ya istinadən xəbər verir ki, bunu Xorasan Rəzəvi əyalətinin böhran vəziyyəti üzrə idarəsinin başçısı Seyid Reza Abbasi Neyşaburi bildirib.

Məşhəd əyalətinin rəhbəri Möhsün Davari Rəzəvi rayonunun Çenark kəndindən 150, Əhmədabad rayonunun Sultanabad kəndindən 300-ə yaxın sakinin təxliyə edildiyini açıqlayıb.

Məlumata görə, Meteorologiya Təşkilatı ölkənin şimal-şərqində yeni daşqın ehtimalı ilə bağlı xəbərdarlıq edərək Rəzəvi Xorasan, Şimali Xorasan, Gülüstan və Semnan əhalisini daşqınların qarşısının alınmasına yardım etməyə çağırıb.

Qurumun hava şəraiti ilə bağlı yayılan bəyanatında Fars və Ərdəbil əyalətlərində yağıntılara görə narıncı xəbərdarlıq elan edilib. Təşkilat Qərbi Azərbaycan və Şərqi Azərbaycanda, habelə Xəzər dənizi sahillərində də yağışların intensivliyinin artacağı bildirib.

Rusiya Ukrayna ilə bağlı istənilən sülh təşəbbüsünü alqışlayır.

"Operativ Məlumat Mərkəzi-OMM" xəbər verir ki, bu barədə Rusiya prezidentinin mətbuat katibi Dmitri Peskov REN TV-yə müsahibəsində bildirib.

Onun sözlərinə görə, Çində keçiriləcək danışıqlarda Ukrayna münaqişəsi və onun həlli yolları məsələsi də müzakirə olunacaq.

Peskov qeyd edib ki, Rusiya çinli həmkarlarının mümkün perspektivlər və vəziyyətin həlli üçün yeni təşəbbüslərin irəli sürülməsinin mümkün səbəbləri barədə baxışında maraqlıdır.

Rusiya Prezidenti Vladimir Putinin Çinə dövlət səfəri başlayıb.

"Operativ Məlumat Mərkəzi-OMM" xəbər verir ki, Pekində Çin Xalq Respublikasının Sədri Si Cinpin ilə Rusiya Prezidenti Vladimir Putinin görüşü olub.

Si Cinpin Vladimir Putini salamlayıb, növbəti dəfə Rusiya prezidenti seçilməsi münasibəti ilə onu təbrik edib. Putin isə bildirib ki, Çin ticarət-iqtisadi sahədə Rusiyanın əsas tərəfdaşıdır: “2023-cü ildə ikitərəfli ticarət dövriyyəsi 227 milyard dollara çatıb”.

Artıq liderlər arasında məhdud tərkibdə görüş başlayıb. Bu, Vladimir Putinin yeni prezidentlik müddəti başlayandan bəri ilk xaricə səfəridir.

Qeyd edək ki, Rusiya Prezidentinin Çinə dövlət səfəri 2 gün davam edəcək.