İngiltərədə bomba xəbərdarlığı edilib

İngiltərənin cənubundakı Plimut liman şəhərində yerləşən İkinci Dünya Müharibəsindən qalma partlamamış bomba təhlükəsiz şəkildə zərərsizləşdirilməsi üçün dənizə aparılıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, 1940-cı ilin iyulunda Alman bombardmançılarının hədəfinə çevrilən Plimut şəhərində bir bağçada tapılan 500 kiloqramlıq bombanın təhlükəsiz şəkildə dənizə atıldığı bildirilib.

Açıqlamada polisin ordunun iştirak etdiyi əməliyyatın uğurla keçdiyi və bombanın ərazidən uzaqlaşdırıldığı barədə məlumat verildiyi qeyd edilib. Həmçinin təhlükəsizlik kordonunun götürüldüyü və təxliyə edilən sakinlərə evlərinə qayıda biləcəkləri bildirilib.