Prezident İlham Əliyev Şuşanın Böyük Qaladərəsi kəndində yerli sakinlərlə görüşündə Azərbaycan xalqının böyüklüyünə diqqət çəkib. Dövlət başçısı bildirib ki, üzləşdiyi bütün əzab-əziyyətlərə baxmayaraq, xalqımız öz iradəsini qoruyub saxlayıb və doğma torpaqlara qayıdacağı ümidi ilə yaşayıb.
Prezident çıxışı zamanı keçmiş köçkünlərlə 2003-cü ildən bəri keçirdiyi çoxsaylı görüşləri xatırladaraq qeyd edib:
- İşğal dövründə və Zəfərdən sonra keçirilən görüşlər xalqımızın nə qədər əzəmətli, vüqarlı və yenilməz olduğunu bir daha təsdiqləyir.
- Siz 30 il ərzində doğma yurdunuzdan ayrı düşsəniz də, inamınızı itirmədiniz və iradənizi qırmadınız.
Dövlət başçısı vurğulayıb ki, xalqın bəslədiyi o böyük ümid nəhayət gerçəkləşib və azadlıq gününə qovuşulub.
