Azərbaycan təmsilçiləri Fransada keçirilən Paris-2024 Yay Paralimpiya Oyunlarını 11 medalla başa vurublar.

"Operativ Məlumat Mərkəzi-OMM" xəbər verir ki, onlardan 4-ü qızıl, 2-si gümüş, 5-i bürünc əyarlıdır.

İmaməddin Xəlilov (parataekvondo, 70 kq), Səid Nəcəfzadə (T12 kateqoriyası), Orxan Aslanov (T13 kateqoriyası (hər ikisi uzunluğa tullanma) qızıl, Lamiyə Vəliyeva qızıl (100 metr məsafəyə qaçış) və gümüş (400 metr məsafəyə qaçış), Raman Saley gümüş (100 metr məsafəyə arxasıüstə üzmək) və 2 bürünc (100 metr məsafəyə sərbəst və "butterfly" üsulla üzmək), Sabir Zeynalov (parataekvondo, 58 kq), Vəli İsrafilov (100 metr məsafəyə brass üsulu ilə üzmək), İlham Zəkiyev (paracüdo, +90 kq) bürünc medala sahib çıxıblar.

Qeyd edək ki, paralimpiada sentyabrın 8-də başa çatacaq.

Azərbaycanın bir cüdoçusu cüdoçusu Birləşmiş Ərəb Əmirliklərinin paytaxtı Əbu-Dabidə keçirilən "Böyük Dəbilqə"də qızıl medal qazanıb.

"Operativ Məlumat Mərkəzi-OMM" xəbər verir ki, Zelim Tçkayev (81 kq) bütün rəqiblərinə qalib gələrək turnirin qalibi olub.

Rəşid Məmmədəliyev bürünc mükafat uğrunda görüşdə uduzub.

Azərbaycan turnirdə 14 idmançı ilə təmsil olunur. Ötən gün yarışa başlayan altı cüdoçudan yalnız Acelya Toprak (57 kq) bürünc medal əldə edib.

Qeyd edək ki, "Böyük Dəbilqə" oktyabrın 13-də başa çatacaq.

Bu gün Azərbaycanın daha dörd cüdoçusu Birləşmiş Ərəb Əmirliklərinin paytaxtı Əbu-Dabidə keçirilən "Böyük Dəbilqə"də mübarizəyə başlayacaq.

"Operativ Məlumat Mərkəzi-OMM" xəbər verir ki, Rəşid Məmmədəliyev, Nəriman Mirzəyev (hər ikisi 73 kq), Zelim Tçkayev, Ömər Rəcəbli (hər ikisi 81 kq) tatamiyə çıxacaqlar.

Azərbaycan turnirdə 14 idmançı ilə təmsil olunur. Ötən gün yarışa başlayan altı cüdoçudan yalnız Acelya Toprak (57 kq) bürünc medal əldə edib.

Qeyd edək ki, "Böyük Dəbilqə" oktyabrın 13-də başa çatacaq.

İspaniyalı tennisçi 38 yaşlı Rafael Nadal karyerasını bitirib.

"Operativ Məlumat Mərkəzi-OMM" xəbər verir ki, o, bununla bağlı öz sosial şəbəkəsində video paylaşım edərək hər kəsə təşəkkür edib.

Paylaşımda deyilir: 

"Hər kəsə salam. Mən karyeramı başa vurdum. Bəzi çətinliklər oldu, xüsusilə son iki ildə. Bu həqiqətən də çətin qərardı, amma həyatdır, hər şey başlayır və bitir. Mən çox həycanlıyam. Özümü çox uğurlu hiss edirəm. Mən bütün tennis dünyasına təşəkkür edirəm".

İspaniyalı məşhur tennisçi Rafael Nadal karyerasını başa vurub.

"Operativ Məlumat Mərkəzi-OMM" xəbər verir ki, 38 yaşlı raketka ustası bu barədə şəxsi instaqram hesabında bildirib.

Qeyd edək ki, Rafael Nadal "Böyük Dəbilqə" turnirlərinin 22 qat qalibidir. O, həmçinin Pekin-2008 və Rio-de-Janeyro-2016 Yay Olimpiya Oyunlarının qızıl medalını qazanıb.

Avarçəkmə üzrə Pekin-2008 Yay Olimpiya Oyunlarının gümüş mükafatçısı, ikiqat Avropa çempionu və dünya ikincisi Dimitrios Mouyiosun Bakıya səfərinin məqsədi bəlli olub.

Bu barədə "Operativ Məlumat Mərkəzi-OMM"-ə Azərbaycan Kanoe və Avarçəkmə Federasiyasının mətbuat katibi Vüsal Qurbanov məlumat verib.

Onun sözlərinə görə, D.Moiyuos AKAF-ın son illərdə gördüyü işlər, keçirilən beynəlxalq yarışlar və qazanılan nəticələrlə tanış olub:

"O, Bakıya Milli Olimpiya Komitəsinin dəvəti ilə gəlmişdi. Səfər çərçivəsində bizim federasiyanın binasına da baş çəkdi. "Bakı" klubunun fəaliyyəti ilə tanış oldu. Yaradılan şəraitdən razı qaldığını bildirdi. Xüsusən də 2028-ci ildə Los-Ancelesdə keçiriləcək olimpiadaya ilk dəfə daxil edilən çimərlik sprintinin ("beach sprint") Azərbaycanda inkişafı üçün hər cür şərait olduğunu vurğuladı. Həmçinin Yunanıstanla Azərbaycanın Avarçəkmə və Kanoe Federasiyaları arasında əlaqələrə öz töhfəsini verməyə, təcrübə mübadiləsinin aparılmasına çalışacağını bildirdi".