"Mançester Siti"nin hücumçusu Erlinq Holann İspaniyaya keçə bilər.
"Operativ Məlumat Mərkəzi-OMM" xarici KİV-ə istinadən xəbər verir ki, futbolçunun atası Alf-inge Holann bu məsələ ilə şəxsən məşğul olur.
Bir neçə aydır oğlunun "Real Madrid" ya da "Barselona"ya keçməsi üzərində iş aparır. Digər variantlar isə nəzərdən keçirilmir.
Erlinqin 2027-ci ilin yayına qədər "Mançester Siti" ilə müqaviləsi var.
"Transfermarkt" portalının mütəxəssisləri onun dəyərini 180 milyon avro olaraq qiymətləndirirlər.