Hindistanın baş naziri Narendra Modi İran prezidenti İbrahim Rəisi ilə Yaxın Şərqdəki vəziyyəti və Fələstin-İsrail münaqişəsinin kəskinləşməsini müzakirə edərək, sülhün tezliklə bərpa olunmasının vacibliyini vurğulayıb.
"Operativ Məlumat Mərkəzi-OMM" xəbər verir ki, bu barədə Modi X sosial şəbəkəsində yazıb.
Hindistanın baş naziri vurğulayıb ki, gərginliyin qarşısının alınması, humanitar yardımın davam etdirilməsi və sülh və sabitliyin tezliklə bərpası vacibdir.
Modi deyib ki, İran prezidenti ilə söhbəti zamanı o, Yeni Dehli və Tehran arasında əməkdaşlıqda irəliləyişə nail olunmasını, o cümlədən Hindistanın iştirakı ilə Oman körfəzində həyata keçirilən Çabahar limanı layihəsinin təşviqini alqışlayıb.
