İranın mərkəzi hissəsində yerləşən İsfahan əyalətində helikopter qəzası qeydə alınıb.
“Operativ Məlumat Mərkəzi-OMM” xəbər verir ki, bu barədə məlumatı "Tasnim" agentliyi yayıb.
Məlumata görə, insident Xomeynişəhr yaxınlığındakı Dorçe şəhərində baş verib.
Bildirilir ki, helikopter şəhər ərazisindəki bağçılıq komplekslərindən birinin yaxınlığına düşüb.
Qəzanın səbəbləri və xəsarət alanlar barədə hələlik rəsmi məlumat verilməyib.
Hazırda hadisə yerinə xilasedicilər və müvafiq qurumların əməkdaşları cəlb olunub. Faktla bağlı araşdırma aparılır.
