İlk dəfədir ki, biz Şuşada qazilik məktəbini yaratdıq. İllərdir bu bizə nəsib olmamışdı. Laçına, Kəlbəcərə, Zəngilana, Füzuliyə, Şuşaya təyin olunan insanlar vardır ki, onlar bu ərazilərə gedərək dini ayinləri icra edirlər.
"Operativ Məlumat Mərkəzi-OMM" xəbər verir ki, bu barədə Şeyxülislam Allahşükür Paşazadə QMİ-nin təşkil etdiyi qanvermə aksiyası zamanı jurnalistlərə bildirib.
“Bu günlərdə həm də Gövhərağa məscidində ilk dəfədir Aşura məclisi həyata keçirilir. Allahımıza şükür edirik ki, biz öz adət-ənənələrimizi bütün sahələrdə, o cümlədən dini sahələrdə bərpa edirik”,- deyə Allahşükür Paşazadə bildirib.
Qafqaz Müsəlmanlar İdarəsinin (QMİ) sədri qeyd edib ki, Azərbaycanda yaşadığımız bu görülən mənzərə başqa dövlətlərdə arzuolunandır.
Mehman Mirzəzadə, Aminə Nəzərova
