"Qarabağ"ın UEFA Çempionlar Liqasının pley-off mərhələsindəki rəqibi müəyyənləşib.
"Operativ Məlumat Mərkəzi-OMM" xəbər verir ki, UEFA-nın İsveçrənin Nyon şəhərindəki mənzil-qərargahında atılan püşkün nəticəsinə əsasən, Azərbaycan çempionunun rəqibi "Nyukasl" (İngiltərə) olub.
Qurban Qurbanovun rəhbərlik etdiyi kollektiv ilk matçını evdə, cavab oyununu isə səfərdə keçirəcək. Pley-off mərhələsinin görüşləri fevralın 17-18-i və 24-25-də baş tutacaq. "Köhlən atlar" bu raundu adlayacağı təqdirdə 1/8 finalda "Barselona" (İspaniya) və ya "Çelsi"yə (İngiltərə) rəqib olacaq.
Qeyd edək ki, Ağdam təmsilçisi Çempionlar Liqasının Liqa mərhələsini 10 xalla 22-ci pillədə başa vurub.
UEFA Çempionlar Liqasının pley-off mərhələsinin bütün cütləri də müəyyənləşib.
Pley-off-da aşağıdakı cütlər üz-üzə gələcək.
"Qarabağ" (Azərbaycan) - "Nyukasl" (İngiltərə)
"Monako" (Fransa) - PSJ (Fransa)
"Qalatasaray" (Türkiyə) -"Yuventus" (İtaliya)
"Benfika" (Portuqaliya) - "Real" (İspaniya)
"Budyo-Qlimt" (Norveç) - "İnter" (İtaliya)
"Olimpiakos" (Yunanıstan) - "Bayer 04" (Almaniya)
"Brügge" (Belçika) - "Atletiko" (İspaniya)
"Borussiya" (Dortmund, Almaniya) - "Atalanta" (İtaliya)
Qeyd edək ki, pley-off mərhələsinin oyunları fevralın 17-18-i və 24-25-də keçiriləcək.
Fevralın 27-də 1/8 final, 1/4 final və yarımfinal mərhələlərinin püşkü atılacaq. 10-11 və 17-18 martda 1/8 final, 7-8 və 14-15 apreldə isə 1/4 final oyunları keçiriləcək. Yarımfinal qarşılaşmaları 28-29 aprel və 5-6 mayda baş tutacaq.
Mövsümün final matçı mayın 30-da Macarıstanın paytaxtı Budapeştdə keçiriləcək.
