Fransa hakimiyyəti oktyabrın 7-dən bəri antisemitizm şübhəsi ilə 414 nəfəri saxlayıb.
"Operativ Məlumat Mərkəzi-OMM" xəbər verir ki, bunu BFMTV kanalında ölkənin daxili işlər naziri Cerald Darmanin deyib.
"Düzdür, Fransada antisemitizmin çoxsaylı təzahürləri var. Oktyabrın 7-dən indiyədək 819 antisemitizm aktı baş verib, lakin qeyd etmək lazımdır ki, bununla bağlı polis və jandarmlar tərəfindən 414 nəfər həbs edilib".
Onun sözlərinə görə, oktyabrın 7-dən sonra HƏMAS-ın İsrailin Qəzza zolağı yaxınlığındakı yaşayış məntəqələrinə hücum etdikdən sonra bu cür cinayətlərin sayı kəskin artıb.
Nazir həmçinin vurğulayıb ki, Fransa hakimiyyəti HƏMAS-a dəstək nümayişlərinin qarşısını almaq üçün ciddi nəzarət edir.
