Yaponiyanın "SkyDrive Inc." startapı tərəfindən hazırlanmış uçan avtomobilin ilk sınaq uçuşu Tokioda baş tutub.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Nümayiş uçuşu zamanı nəqliyyat vasitəsi Tokio körfəzinin hava məkanında təxminən 150 metr məsafə qət edib.
Uçuş müddəti 3,5 dəqiqə olub.
SD-05 uçan avtomobili batareyalar və kvadrokopterlərdə olanlara bənzər pərvanə pərləri olan 12 rotorlu mühərriklə işləyir, üç nəfər daşıya və 15 ilə 40 kilometr arasında məsafə qət edə bilir.
"SkyDrive"ın baş direktoru Tomohiro Fukuzavanın sözlərinə görə, uçuşun qiyməti taksinin qiymətindən təxminən iki dəfə, səyahət müddəti isə dörd-beş dəfə qısa ola bilər.
