Noyabrın 4-ü saat 9:00-a olan məlumata əsasən, gecə və səhər bəzi yerlərdə arabir yağış yağıb.
"Operativ Məlumat Mərkəzi-OMM" xəbər verir ki, bu barədə Ekologiya və Təbii Sərvətlər Nazirliyinin Milli Hidrometeorologiya Xidməti məlumat yayıb.
Şahdağın 3000 metr yüksəkliklərinə qar yağıb.
Düşən yağıntının miqdarı Şəki, Zaqatala, Balakəndə 3 mm, Qax, Quba, Ordubad, Şahbuz, Sədərək, Şərurda, İmişli, Şabran, Sabirabad, Lənkəran, Naxçıvan, Qusar, Şahdağ, Mingəçevir, Kürdəmirdə 2 mm-dək olub.
Şərur, Biləsuvar, Cəfərxan, Lerik, Qobustan, Şamaxı, Qusar, Quba, Sumqayıtda duman müşahidə olunub. Görünüş məsafəsi 500 metrədək məhdudlaşıb.
Qərb küləyi arabir Naftalanda 18 m/s-dək güclənib.