“Nüvə terroruna təslim olmamalıyıq”.
"Operativ Məlumat Mərkəzi-OMM" xarici KİV-ə istinadən xəbər verir ki, bunu Estoniyanın xarici işlər naziri Urmas Reynsalu deyib.
O bildirib ki, Rusiya Qərbə təsir göstərmək üçün nüvə təhdidlərindən fəal istifadə edir: “Kremldə oturanlar düşünürlər ki, bu, Qərbə təsir etmək üçün yeganə mexanizmdir. Rusiya psixoloji təsir vasitələrindən istifadə edir”.
Nazirin fikrincə, indiki nüvə müharibəsi təhdidi Soyuq müharibə dövründən daha təhlükəlidir.
U.Reynsalu həmçinin söyləyib ki, Ukraynanın Avropa İttifaqına üzvlüyü aylar yox, illər tələb edir: “Müharibə başa çatdıqdan sonra isə Ukraynanın NATO-ya üzvlük məsələsinin alternativi yoxdur”.
