Son məlumatlara görə, Ermənistanda Qərbi Nil virusuna 20 yoluxma qeydə alınıb, bir nəfər ölüb.
Bu barədə "Operativ Məlumat Mərkəzi-OMM" yerli mətbuata istinadən xəbər verir.
Ermənistanın Xəstəliklərə Nəzarət və Qarşısının alınması üzrə Milli Mərkəzin direktor müavini Sergey Çaxmaxçyan məlumatı təsdiqləyib. O xatırladıb ki, xəstəlik uzun müddətdir mövcuddur və Ermənistanda əvvəllər geniş yayılmırdı, lakin bu cür risklər qlobal istiləşmə səbəbindən yaranıb.
O əlavə edib ki, bu qızdırmanın daşıyıcıları Afrikadan (o cümlədən Ermənistan ərazisinə) mövsümi miqrasiyadan qayıdan quşlardır. Virus ağcaqanadlara quşlardan yayılır. Hansı növ ağcaqanadların xəstəliyin daşıyıcısı ola biləcəyi hələ tam aydın deyil.
