Ermənistan Omanda səfirliyini açır.
"Operativ Məlumat Mərkəzi-OMM" xəbər verir ki, müvafiq qərar hökumətin iclasında qəbul edilib.
İzahat notunda Ermənistan və Körfəz ərəb ölkələri arasında əlaqələrin son illər siyasi, ticarət-iqtisadi əməkdaşlıq, eləcə də mədəniyyətlərarası dialoq sahələrində dinamik inkişaf etdiyi qeyd edilib.
Səfirliyin illik təmir xərcləri 345,7 min dollar qiymətləndirilir.
Qeyd edək ki, hazırda Ermənistanın Birləşmiş Ərəb Əmirlikləri, Küveyt və Qətərdə daimi səfirlikləri var.
