Afət Ziyadqızı
Ermənistanın əsir, girov və itkin düşmüş vətəndaşlarla əlaqədar komissiyası Azərbaycanı bu istiqamətdə birgə işi gücləndirməyə dəvət edib.
"Operativ Məlumat Mərkəzi-OMM" xəbər verir ki, bu barədə respublikanın Milli Təhlükəsizlik Xidmətinin (MTN) saytında məlumat verilib.
1990-cı illərin əvvəllərindən 2020-ci ildə və ondan sonrakı dövrdə Azərbaycan-Ermənistan münaqişəsi zamanı 993 Ermənistan vətəndaşı və Dağlıq Qarabağın sakinləri itkin düşüb. MTN Ermənistanın bu insanların başına gələnləri öyrənməkdə maraqlı olduğunu vurğulayıb.
Bəyanatda bildirilir ki, Ermənistan Baş Nazirliyi və Azərbaycan Prezident Administrasiyasının 7 dekabr 2023-cü il tarixli birgə bəyanatında qeyd olunan razılaşmaya əsasən, Ermənistan komissiyası Azərbaycan tərəfini bu istiqamətdə əməkdaşlığı aktivləşdirməyə dəvət edib.
