Ermənistan-ABŞ birgə təlimləri Ermənistanın gələcəyi üçün narahatlıq doğurur.
"Operativ Məlumat Mərkəzi-OMM" TASS-a istinadən xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova iyulun 15-də başlayan "Eagle Partner 2024" Ermənistan-ABŞ sülhməramlı qüvvələrinin təlimlərini şərh edərkən bildirib.
Zaxarovanın sözlərinə görə, ABŞ və Aİ regionda ənənəvi tərəfdaşların zərərinə Cənubi Qafqazda möhkəmlənməyə çalışır və bu, xüsusilə Ermənistanın timsalında nəzərə çarpır.
"Amerikalıların Cənubi Qafqazda meydana çıxması, biz bunu artıq dünyanın müxtəlif yerlərində dəfələrlə görə bildik, yalnız regionda davam edən münaqişə potensialını qızışdıracaq", - deyə o bildirib.
İyulun 15-dən 24-dək Ermənistanda "Eagle Partner 2024" birgə təlimləri keçirilir.
