Ərdoğan: “Türkiyə və Azərbaycan əlaqələrini gücləndirmək üçün fəaliyyətini davam etdirir”

“Naxçıvan bu gün iqtisadiyyat, nəqliyyat və enerji xətləri baxımından böyük potensiala malikdir. Regional nəqliyyat xətlərinin yaradılmasıyla Naxçıvanın bu potensialını tam mənasıyla həyata keçirmək imkanına qovuşacağıq”.

"Operativ Məlumat Mərkəzi-OMM" xəbər verir ki, bunu Türkiyə Prezidenti Rəcəb Tayyib Ərdoğan sentyabrın 25-də Azərbaycan Prezidenti İlham Əliyevlə mətbuata bəyanatla çıxış edərkən bildirib.

Onun sözlərinə görə, Türkiyə-Azərbaycan əlaqələri dünyada bənzəri olmayan müstəsna bir ələqələrdir.

Türkiyə Prezidenti deyib ki, Türkəyə və Azərbaycan “bir millət, iki dövlət” olaraq əlaqələrini və əməkdaşlığını hər sahədə gücləndirmək üçün fəaliyyətini davam etdirir.