Türkiyə prezidenti Rəcəb Tayyib Ərdoğan Hollandiyanın baş naziri səlahiyyətlərini icra edən Dik Şofla telefon danışığında bildirib ki, Ankara Ukraynada davamlı sülhün bərqərar olması üçün çalışır.
"Operativ Məlumat Mərkəzi-OMM" xəbər verir ki, bu barədə Türkiyə höküməti məlumat yayıb.
“Türkiyə İstanbul prosesinin ev sahibi ölkə kimi Ukrayna-Rusiya müharibəsinə son qoymaq istiqamətində səylərini davam etdirəcək”, – Ərdoğan vurğulayıb.
Liderlər həmçinin Yaxın Şərqdəki vəziyyəti müzakirə ediblər.
Ərdoğan deyib ki, Qəzzada humanitar fəlakət daha da dərinləşir və Netanyahunun bütün bölgəyə hərbi nəzarəti ələ keçirmək planı tamamilə qəbuledilməzdir.
