Türkiyə prezidenti Rəcəb Tayyip Ərdoğan Körfəz ölkələrinə səfəri çərçivəsində Qətərə səfər edib.
"Operativ Məlumat Mərkəzi-OMM" xarici KİV-ə istinadən xəbər verir ki, o, paytaxt Dohada yerləşən Lusail sarayında Qətər əmiri Şeyx Təmim Bin Həməd Al Tani ilə görüşüb.
Tərəflər Türkiyə-Qətər arasında diplomatik əlaqələrin 50 illiyi münasibətilə birgə sənəd imzalayıblar.
Rəsmi sənədə Türkiyənin xarici işlər naziri Hakan Fidan və Qətərli həmkarı şeyx Məhəmməd bin Əbdülrəhman bin Casim Al Sani qol çəkiblər.
Ərdoğan həmkarına Türkiyə istehsalı olan Togg avtomobilini hədiyyə edib.
Xatırladaq ki, Türkiyə Prezidenti bundan əvvəl Səudiyyə Ərəbistanına səfər edib.
