Ən qədimdən insanlar öz evlərini bitkilələ bəzəməyi seviblər. Onların faydalarını, müalicəvi təsirlərini hiss ediblər. Bəzi bitkilər evin havasını təmizləyir, insan orqanizmi üçün faydalı mikro-klimat yaradır. Bilmək lazımdır kı, bəzi bitkilər, məsələn kalendula, qeran və ya primula – allerqiya yarada və ya halsızlığa səbəb ola bilər. Bu əlbəttəki bütün insanlara aid deyil. Sadəcə bəzi insanlar var ki, onlar bitkilərə qarşı çox həssasdırlar.
Amma elə bitkilər var ki, onlar ziyanlı deyil, əksinə olduqca xeyirlidirlər.
"Operativ Məlumat Mərkəzi-OMM" müalicəvi bitkilərin ən xeyirlilərini təqdim edir.
1. Aloe (yüzillik); Bu - antibakterial, anti-iltihab, ödqovucu, yanığa qarşı, yara sağaldan – şəfa vericisidir.
2. Kalanxoe – ev həkimi sayılır. Onun şirəsi bütün yaraları, iltihabları müalicə edir.
3. Cövhərnanə - bu bitkinin ətiri əsəb sisteminə müsbət təsir göstərir, yorğunluğu sakitləşdirir. Xüsusilə kompyuter arxasında çox vaxt keçirən insanlar üçün xeyirlidir. Bunun üçün cövhərnanə əkilmiş dibçəyi və ya içində cövhərnanə olan qabı kompyuterin yaxınlığında qoymaq tövsiyə edilir.
4. Limon – bu bitkini yalnızca meyvələri üçün yetişdirmək lazım deyil. Limon ağacının yarpaqları 85 müalicəvi maddə ifraz edir ki, buda otağın havasını təmizləyir. Bu ağac vitamin küpüdür, yerləşdiyi otaqda olan bütün mikrobları məhv edir.
5. Rozmarin – otaq üçün faydalı bitkilərdən biridir. Bronxit, astma, tənəffüs orqanlarında problemi olan insanlar üçün bu ideal bitkidir.
6. Fikus - Toksinləri tutur, havanı oksigenlə zənginləşdirir və hətta nəmləndirir. Bundan əlavə, fikus havada olan zərərli mikroorqanizmləri öldürmək qabiliyyətinə malik olan fitonsid ifraz edir. Bitkinin enli yarpaqları tozu tutub saxlayır. Fikus bitkisi böyük otaqlar, mətbəx və yaxşı havalandırılan məkanlar üçün daha uyğundur.
Bütün bu bitkilər otağın havasını təmizləyir, havada olan toksinləri məhv edir, insanları daha sakit və xoşbəxt edirlər.
