Rəqəmsallaşma vətəndaşların hüquq və azadlığını təmin edir.
"Operativ Məlumat Mərkəzi-OMM" xəbər verir ki, bunu ədliyyə naziri Fərid Əhmədov Baş Prokurorluğun "Rəqəmsal cinayət prosesi: müasir çağırışlar və hədəflər" mövzusunda keçirilən konfransında deyib.
Nazir bildirib ki, elektron ədliyyə mühakiməsinin vahid pəncərəsi formalaşdırılır.
"Dövlət orqanları bu vahid sistemə inteqrasiya edilməlidir ki, məlumat mübadiləsi aparılsın".
O bildirib ki, elektron ədalət mühakiməsinin formalaşdırılması vahid pəncərə sistemində çıxışın təmin edilməsi deməkdir: "Bu, bizim hədəflərimizdən biridir, dövlət orqanları arasında daha rəvan, daha çevik məlumat mübadiləsinə təkan verəcək. Süni intellekt sistemlərinin tətbiqi vahid elektron, rəqəmsal ədalət mühakiməsi sisteminə əlçatanlığı da artıra bilər. Lakin biz bu yolu qısa zamanda qət edə bilmərik. Bizim bu hədəfə doğru yolumuzda elektron rəqəmsal alətlərdən, sistemlərdən istifadə edərək uğurlu addımlar ata bilərik".
