Küveyt Beynəlxalq Hava Limanı pilotsuz uçuş aparatının (PUA) hücumuna məruz qalıb.
"Operativ Məlumat Mərkəzi-OMM" xəbər verir ki, bu barədə məlumat yerli media resurslarında yer alıb.
İlkin məlumatlara görə, hücum nəticəsində hava limanında çalışan bir neçə işçi yüngül dərəcəli bədən xəsarətləri alıb.
Həmçinin, zərbə nəticəsində sərnişin terminalının binasına ciddi maddi ziyan dəydiyi bildirilir.
Hadisə ilə bağlı rəsmi qurumlar tərəfindən araşdırmalara başlanılıb. Hazırda hava limanının fəaliyyətində hər hansı məhdudiyyətin tətbiq edilib-edilmədiyi barədə əlavə məlumat verilmir.
