Döymə üçün portativ "printer" hazırlanıb.
"Operativ Məlumat Mərkəzi-OMM" xəbər verir ki, o, tezliklə Barselonada Mobil Dünya Konqresində təqdim olunacaq.
Məlumata görə, portativ döymə cihazı Cənubi Koreyanın “LG Household & Health Care” şirkəti tərəfindən düzəldilib. Bu yeni cihazda dəri üzərində təsvirləri çap etmək üçün kosmetika məhsullarından istifadə edilir.
Siz mövcud verilənlər bazadan nümunə seçə və ya cihaza qoşulmuş mobil proqrama yenisini yükləyə bilərsiniz. Şəkil təxminən 24 saat ərzində həmin qurğuda saxlanılır.
İlkin olaraq cihaz Cənubi Koreyada satışa çıxarılacaq. ABŞ və Avropada isə ilin ikinci yarısından sonra təqdim olunacağı gözlənilir. “Printer” özünəməxsus fərqliliyini nümayiş etdirmək istəyən gənclər üçün yaradılıb.
