Elektron ticarət müasir dövrün tələbidir. Ölkə ərazisində istehsal edilmiş məhsulların elektron ticarət vasitəsilə ixracı prosesində gömrük prosedurlarının sadələşdirilməsi istiqamətində iş aparılır.
"Operativ Məlumat Mərkəzi-OMM" xəbər verir ki, bunu Dövlət Gömrük Komitəsinin Gömrük İşinin Təşkili İdarəsinin rəisi Vasif Qurbanov "Rəqəmsal Gömrük və media" mövzusunda keçirilən seminarda deyib.
O bildirib ki, bu istiqamətdə həm texniki işlər, həm də qanunvericilikdə dəyişiklik edilməsi ilə bağlı məsələlər üzərində iş aparılır.
"Elektron ticarət haqqında qanun uzun illər əvvəl qəbul edildiyi üçün, bu qanunda müəyyən dəyişikliklərin edilməsi zəruriyyəti yaranıb" - deyə əlavə edib.
