Çin avtomobil istehsalçısı "Chery"nin Rusiyadakı törəmə şirkəti brendin Rusiya bazarını tərk etməsi ilə bağlı xəbərləri təkzib edib.
"Operativ Məlumat Mərkəzi-OMM" xəbər verir ki, şirkətin mətbuat xidmətindən TASS-a bildiriblər ki, “Chery” brendi Rusiya bazarını tərk etmir.
Daha əvvəl "Nikkei" xəbər agentliyi "Chery"nin IPO sənədlərinə istinadən şirkətin 2027-ci ilə qədər Rusiya bazarını tərk etmək planları barədə məlumat vermişdi.
Qeyd edək ki, "Chery" brendi 2025-ci ilin avqustunda ən populyar xarici avtomobillərin ilk üçlüyünə daxil olub. Brendin avtomobillərinin satışı 11 100 ədəd təşkil edib.
