"Universitetlərdə bir sıra problemlər mövcuddur".
"Operativ Məlumat Mərkəzi-OMM" xəbər verir ki, bunu Milli Məclisin deputatı Ceyhun Məmmədov parlamentin 2025-ci il payız sessiyasının ilk plenar iclasında çıxışı zamanı bildirib.
"Təhsildə universitetlərə muxtariyyətin verilməsi, diplomların tanınması və maliyyənin artırılması kimi məsələlər hələ də həllini tapmayıb".
Deputat süni intellektin cəmiyyətdə yaratdığı risklərə diqqət çəkib: “Süni intellekt bu gün bəşər övladının qarşısında duran ən ciddi təhlükələrdən biridir. Azərbaycan cəmiyyətində gənclər süni intellekt vasitəsilə cinayətlərin törədilməsi halları ilə üzləşirlər. Sosial şəbəkələrdə süni intellektlə yaradılmış video və şəkilləri ayırd etmək çətindir. Düşünürəm ki, bu sahədə qanun qəbul edilməlidir. İtaliyada bir neçə il əvvəl azyaşlıların müdafiəsi üçün belə bir qanun qəbul edilib”, – deyə Ceyhun Məmmədov vurğulayıb.
Aidə Qurbanlı
