Cənubi Koreya Prezidenti Li Ce Myonq ölkədə istifadə olunmuş nüvə yanacağının yenidən işlənməsi və ya uranın zənginləşdirilməsi fəaliyyətləri üçün ortaq müəssisə qurulması barədə ABŞ Prezidenti Donald Tramp ilə razılığa gəldiklərini bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Li paytaxt Seulda keçirilən mətbuat konfransında ölkəsinin nüvə sahəsində atdığı addımlarla bağlı danışıb.
Li Trampın istifadə olunmuş nüvə yanacağının yenidən işlənməsi və ya uranın zənginləşdirilməsi proseslərinin Cənubi Koreyada həyata keçirilməsini və bunun üçün iki ölkə arasında “50-yə 50” nisbətində ortaq müəssisə qurulmasını təklif etdiyini bildirib.
Ortaq müəssisə ilə bağlı danışıqların “yaxşı keçdiyini” deyən Li, növbəti mərhələlər üçün ABŞ-nin Ticarət naziri Hovard Lutnikin təyin olunduğunu qeyd edib.
O, 29 oktyabrda Tramp ilə görüşündə imzalanan anlaşma çərçivəsində Cənubi Koreyanın nüvə enerjisi ilə işləyən sualtı qayıq inkişaf etdirmə planının ABŞ tərəfindən təsdiq aldığını da bildirmişdi.
