London Kraliça Meri Universitetinin Barts Xərçəng İnstitutundan və Francis Crick İnstitutundan bir qrup B5 vitamininin miyelodisplastik sindrom (MDS) adlı nadir qan xərçəngi ilə mübarizə potensialını müəyyən ediblər.
"Operativ Məlumat Mərkəzi-OMM" xəbər verir ki, tədqiqatın nəticələri “Science Translational Medicine” jurnalında dərc olunub.
Müəlliflər MDS olan 42 nəfərin qan nümunələrini təhlil ediblər. Məlum olub ki, COASY fermenti sümük iliyində qırmızı qan hüceyrələrinin istehsalını tənzimləməkdə əsas rol oynayır.
Müəyyən bir qan xərçəngi növü olan xəstələrdə fermentin qismən itirilməsi qırmızı qan hüceyrələrinin istehsalının əhəmiyyətli dərəcədə azalmasına səbəb olur ki, bu da daha sonra anemiyaya gətirib çıxarır.
Elm adamları daha sonra B5 vitamininin artan qəbuluna əsaslanan terapiya ilə qırmızı qan hüceyrələrinin istehsalını artıra biləcəklərini yoxlamaq qərarına gəliblər. Təcrübə göstərdi ki, vitamin B5 və ya onun digər metabolitləri ilə müalicə qırmızı qan hüceyrələrinin yetişməsinə təsirli təsir göstərir.
MDS üçün müasir müalicə üsulları tez-tez xəstələrin həyat keyfiyyətini əhəmiyyətli dərəcədə azaldır, həmçinin lösemi inkişaf riskini artırır. Gələcəkdə tədqiqatçılar qırmızı qan hüceyrələrinin istehsalı proseslərini daha da öyrənməyi, həmçinin klinik sınaqlarda yeni terapiya növlərini sınaqdan keçirməyi hədəfləyirlər.
