2024–2025-ci tədris ilində Azərbaycanın ali məktəblərinə daxil olmuş tələbələrə Prezident təqaüdü veriləcək.

"Operativ Məlumat Mərkəzi-OMM" xəbər verir ki, bununla bağlı Prezident İlham Əliyev Sərəncam imzalayıb.

Sərəncama əsasən, 2024-2025-ci tədris ilində tələbə qəbulu imtahanlarında ixtisas qrupları üzrə ən yüksək nəticələr göstərən və Azərbaycanın ali məktəblərinə daxil olmuş aşağıdakı tələbələrə Prezident təqaüdü veriləcək:

Abbaslı Səma Hüseyn qızı

Abbasov Orxan Taleh oğlu

Abdullayeva Rəna Natiq qızı

Ağakişiyeva Aysu Asif qızı

Ağazadə Nərmin Teymur qızı

Axundov Nurlan Saleh oğlu

Bababəyli Semral Aprel qızı

Baxşalıyev Azər Natiq oğlu

Bədəlova Aytac Rasim qızı

Bədəlova Nərgiz Cəlal qızı

Dəmirçiyev Ayxan Ramin oğlu

Elyazov Şükür Şakir oğlu

Eyvazlı Əsmər Elmar qızı

Eyvazov Maarif Seymur oğlu

Eyyubov Samur Şirvan oğlu

Əbilov Ziya Namiq oğlu

Əhmədova Nəzrin Ramil qızı

Əliyev Məhəmməd Vüsal oğlu

Əliyev Ömər İlqar oğlu

Əliyev Turan Anar oğlu

Əliyeva Amalya Tural qızı

Əliyeva Aytac Xəqani qızı

Əlizadə Rəbiyyə Həsən qızı

Əlizadə Ülvi Rövşən oğlu

Əmirov Coşqun Rafiq oğlu

Əsədov Rüfət Raqif oğlu

Əsədullayev Amin Arif oğlu

Əsgərzadə Hikmət Ramin oğlu

Garayzadə Kənan Rafiq oğlu

Gülməliyeva Sevil Rövşən qızı

Gülməmmədov Məhəmməd Akifoviç

Hacıbabayeva Gülafət Anar qızı

Hacıyeva Nuray Hafis qızı

Hacıyeva Zeynəb Hünər qızı

Həbibli Ülvi Vahab oğlu

Həmzəli Suat Zahir oğlu

Həsənli Əsmər Səxavət qızı

Həsənov Fizuli Vüqar oğlu

Həsənzadə Səma Ələsgər qızı

Hüseynli Murad Vidadi oğlu

Hüseynov Elcan Rüfət oğlu

Hüseynov Nurlan Fizuli oğlu

Hüseynova Nuray Emin qızı

Hüseynova Pakizə Namil qızı

Hüseynzadə Nəzrin Fuad qızı

Xəlilzadə Amin Yavər oğlu

Xəlilzadə Əkrəm Samir oğlu

İlyasova Zərifə Elmaz qızı

İsaqov Elvin Ceyhun oğlu

İsmayıllı Kənan Mehman oğlu

Kərimli Qəhrəman Elsevər oğlu

Kərimov Fuad Daşqın oğlu

Qaçabəyova Həlimə Yaşar qızı

Qafarlı İlkin Elçin oğlu

Qafarzadə Zəhra Zaur qızı

Qasımova Fatimə Elxan qızı

Qənbərova İnci Rauf qızı

Qurbanova Ləman Sənan qızı

Mahmudzadə Nihad Mahmud oğlu

Məcidov Əşkəbuz Zamin oğlu

Məhərrəmova Nigar Mübariz qızı

Məhərrəmzadə İlahə Rəşad qızı

Məmmədli Ceyhun Azər oğlu

Məmmədli Fatimə Faiq qızı

Məmmədli Məhəmməd Vaqif oğlu

Məmmədli Murad Gəray oğlu

Məmmədli Röya Əlizamin qızı

Məmmədli Saleh Babək oğlu

Məmmədova Lalə Ramiz qızı

Məmmədzadə Mələk Cabir qızı

Məmmədzadə Şərafət Nüsrət qızı

Mərdanlı Xədicə Sərkər qızı

Miriyeva Nəzrin Miriş qızı

Mirzalıyev Fuad Yaşar oğlu

Muradov Cəlal Murad oğlu

Mustafazadə Afiq Arzu oğlu

Namazov Nihad Ruslan oğlu

Nəsirova Zenfira Rəşadət qızı

Novruzova Şəbnəm Ramin qızı

Nuruyev Elgün Akif oğlu

Orucov Fəxri Faiq oğlu

Rəhimova Səidə Ruhib qızı

Rüstəmli Fidan Ayət qızı

Rüstəmova Validə Elçin qızı

Rzayev Yaqub Aqil oğlu

Sadıqova Aytac Elnur qızı

Salmanov Ayxan Sərdar oğlu

Səfərli Ayişə Bəxtiyar qızı

Səfərli Yunis Elxan oğlu

Səfərova Leyla Abuzər qızı

Səlimova Aysel Ehtiram qızı

Səmədli Pərviz Hafiz oğlu

Süleymanov Nəsib Asif oğlu

Şəkərov Zaur Əvəz oğlu

Şirinli Raul Rəşid oğlu

Şirinov Nicat Seymur oğlu

Tahirli Lalə Cahangir qızı

Vəliməmmədov Fərid Musa oğlu

Vəliyeva Şəms Azər qızı

Yusibov Elşən Səfa oğlu

Yusifov Fərid Güloğlan oğlu

Yusifova Səbinə Vüqar qızı.

Nazirlər Kabinetinə Sərəncamdan irəli gələn məsələləri həll etmək tapşrılıb.

Müəllimlərin gənc nəslin təlim-tərbiyəsində, cəmiyyətin inkişafında rolu əvəzsizdir.

"Operativ Məlumat Mərkəzi-OMM" xəbər verir ki, bunu elm və təhsil naziri Emin Əmrullayev feysbuk sosial şəbəkəsi hesabında yazıb.

“Dəyərli müəllimlər! Gənc nəslin təlim və tərbiyəsində, cəmiyyətimizin inkişafında rolunuz əvəzsizdir. Bu şərəfli işdə göstərdiyiniz əzm və fədakarlıq üçün təşəkkür edirik! Gününüz mübarək!”, - nazir qeyd edib.

Qeyd edək ki, bu gün müəllimlərin peşə bayramıdır. 5 oktyabr Azərbaycanda müəllimlərin peşə bayramı qeyd olunur. "Müəllimlər günü" hazırda dünyanın 100-dən çox ölkəsində ümumdünya səviyyədə, bəzi ölkələrdə isə müxtəlif tarixlərdə milli səviyyədə qeyd edilir. Azərbaycanda isə bu gün 1993-cü ildən qeyd olunur.

Fizika üzrə fəlsəfə doktoru, Patent işi və elmi-texniki ədəbiyyat fondu şöbəsinin müdiri Həsən Əsgərov vəfat edib.

"Operativ Məlumat Mərkəzi-OMM" xəbər verir ki, mərhum ötən gün 75 yaşında dünyasını dəyişib.

Qeyd edək ki, tanınmış alim H.Əsgərov 9 dekabr 1949-cu ildə Bakı şəhərində anadan olub. O, 1972-ci ildə Azərbaycan Neft və Kimya İnstitutunun Kimya Texnologiyası fakültəsini bitirib. 1972-ci ildən Azərbaycan Milli Elmlər Akademiyasında fəaliyyətə başlayıb. Onun iştirakı və rəhbərliyi altında institutda qısa bir müddətdə patent xidməti yaradılıb.

Həsən Əsgərov öz elmi fəaliyyəti ilə Azərbaycan elminin inkişafına mühüm töhfələr verib. Onun elmi araşdırmaları və əsərləri təkcə Azərbaycan elmi ictimaiyyəti arasında deyil, beynəlxalq miqyasda da yüksək qiymətləndirilib.

Onun patent işi sahəsindəki tədqiqatları və innovativ yanaşmaları Azərbaycanın elmi və texniki irsinin zənginləşməsinə, həmçinin bu sahədə ölkənin beynəlxalq mövqeyinin güclənməsinə böyük təsir göstərib.

Alimin uzun illər ərzində elmi fəaliyyətindəki uğurları və yetişdirdiyi gənc alimlər yeni nəsillərin inkişafına əvəzsiz dəstək olublar. Onun elmi rəhbərliyi və fədakarlığı ilə yetişən alimlər bu gün də Azərbaycan elmini yeni zirvələrə yüksəltməkdə davam edirlər.

Həsən Əsgərov Azərbaycan Prezidenti İlham Əliyevin 2011-ci ildə imzaladığı sərəncamla “Tərəqqi” medalı ilə təltif edilib.

ADA Universitetində Təhsildə Yeni Çağırışlar V Beynəlxalq Forumu keçirilir.

 "Operativ Məlumat Mərkəzi-OMM" xəbər verir ki, forum Elm və Təhsil Nazirliyi, Dünya Təhsil Forumu və Təhsilin İnkişafı Fondunun tərəfdaşlığı, “T-Network” təhsil işçilərinin təcrübə və kommunikasiya platformasının və ADA Universitetinin təşkilatçılığı, “Azərbaycan müəllimi” qəzeti, Təhsil TV və “Azərbaycan məktəbi” jurnalının media dəstəyi ilə hibrid formada reallaşır.

Əsas məqsəd təhsildə yeni çağırışları müzakirə etmək, ekoloji təhsilə, xüsusilə "yaşıl təhsil" ideyasına diqqəti artırmaq, yeni dövrün təhsil tələblərini nəzərdən keçirərək keyfiyyətin daha da yüksəldilməsinə nail olmaqdır.

“Yaşıl dünya naminə həmrəylik ili”nə həsr edilən və COP29 ideyasını özündə ehtiva edən beynəlxalq forum “Daha təhsilli gələcək” devizi ilə baş tutur.

Forumun əsas məruzəçiləri Dünya Təhsil Forumunun direktoru Dominik Savaj ilə İqtisadi Əməkdaşlıq və İnkişaf Təşkilatının təhsil və bacarıqlar üzrə direktoru Andreas Şleyxerdir.

Dominik Savaj “Məktəblər yaşıl bacarıqları effektiv inkişaf etdirmək üçün hansı təşəbbüsləri həyata keçirə bilərlər?,”Andreas Şleyxer “Dayanıqlı inkişaf yolunda təhsil” başlıqlı geniş təqdimatla çıxış edəcəklər.

Həmçinin Estoniyada ekoməktəblər üzrə koordinator Maris Məgi “Ekoloji şüurlu şagirdləri necə yetişdirmək olar? Ekoməktəblərdən dərslər”, ADA Universitetinin prorektoru Vəfa Kazdal “Təhsildə iştirakçılıq və əməkdaşlıq ekosistemi”, pedaqogika üzrə tanınmış alim, təhsil tədqiqatçısı və alim Özgür Bolatın “Təbiət uşaqların nailiyyətlərinə və xoşbəxtliyinə necə təsir edir?” mövzularında təqdimatlar edəcəklər.

Forum “Ekoloji savadlılıq və davranış mədəniyyəti, təhsildə yaşıl çağırışlar və öhdəliklər, yaşıl bacarıqlar strategiyası: təhsilin gələcəyi və ekoloji innovasiyalar, təhsildə liderlik və ekoloji səmərəlilik, yaşıl öyrənmə mühiti və müəllim hazırlığı, təhsildə iştirakçılıq və əməkdaşlıq ekosistemi” mövzularını əhatə edir.

Beynəlxalq forum çərçivəsində T-Network platformasının rəhbəri, təhsilin idarə olunması üzrə doktorant Cəfər Mənsiminin moderatorluğu ilə “Təhsildə hansı yaşıl çağırışlar var və bu çağırışlar hansı öhdəliklər yaradır?”, “Təbiətlə dost olan şagirdlərin yetişdirilməsi üçün hansı addımların atılmasına ehtiyac var?”, “Ekoloji savadlılıq və davranış mədəniyyətinin inkişafına təkan vermək üçün təhsildə hansı ənənəvi yanaşmaları yeni yanaşmalarla əvəz etmək lazımdır?”, “Yaşıl məktəb ideyası mövcud kurikulumlara necə inteqrasiya olunmalıdır?” sualları ətrafında müzakirələr aparılacaq.

Forum "Azərbaycan 2030: Sosial-iqtisadi inkişafa dair Milli Prioritetlər" sənədinin "XXI əsrin tələblərinə uyğun təhsil" istiqamətini əsas götürür.

Məlumat üçün bildirək ki, forumun əsas tərəfdaşlarından biri sayılan Dünya Təhsil Forumu təhsil və bacarıqlar nazirlərinin ən böyük illik toplantısıdır. Hər il Londonda keçirilən Dünya Təhsil Forumunda dünya əhalisinin 80 faizindən çoxunu təmsil edən nazirlər və onların baş məsləhətçiləri gələcək təhsil siyasətini müzakirə etmək üçün bir araya gəlirlər.

Dövlət İmtahan Mərkəzi oktyabrın 6-da xüsusi hazırlıq keçmiş taksi minik avtomobili sürücüləri üçün növbəti dəfə imtahan keçirəcək.

"Operativ Məlumat Mərkəzi-OMM" xəbər verir ki, həmin gün avtomobil nəqliyyatı ilə beynəlxalq sərnişin və yük daşımaları fəaliyyətinin operatorunun məsul şəxslərinin və beynəlxalq yük daşımalarını həyata keçirən sürücülərin hazırlıq səviyyəsinin qiymətləndirilməsi məqsədilə də imtahanlar təşkil olunacaq.

İmtahanlarda iştirak etmək üçün ümumilikdə 2002 nəfər qeydiyyatdan keçib.

Xüsusi hazırlıq keçmiş taksi minik avtomobili sürücüləri üçün imtahan Dövlət İmtahan Mərkəzinin elektron imtahanlar korpusunda (Bakı şəhəri, Binəqədi rayonu, S.S.Axundov, 108. TÜRKPA-nın yanı) və DİM-in Gəncə Regional bölməsində saat 10:00, 13:00 və 16:30 olmaqla 3 növbədə, avtomobil nəqliyyatı ilə beynəlxalq sərnişin və yük daşımaları fəaliyyətinin operatorunun məsul şəxsləri və beynəlxalq yük daşımalarını həyata keçirən sürücülərin xüsusi hazırlığının nəticələrinin qiymətləndirilməsi məqsədilə imtahanlar isə saat 13:00-da Dövlət İmtahan Mərkəzinin elektron imtahanlar korpusunda (Bakı şəhəri, Binəqədi rayonu, S.S.Axundov, 108. TÜRKPA-nın yanı) kompüter vasitəsilə elektron qaydada keçiriləcək. İmtahan iştirakçıları imtahanı yekunlaşdırdıqda və ya imtahan üçün ayrılan vaxt başa çatdıqda nəticələrlə tanış olmaq imkanına malik olacaqlar. Nəticələr həmçinin növbəti gün DİM-in saytına yerləşdiriləcək.

Namizədlər “İmtahana buraxılış vərəqəsi”ni "Elektron imtahanlara buraxılış vərəqələri və nəticələrin çapı" xidməti vasitəsilə çap edə bilərlər. İştirakçılar "İmtahana buraxılış vərəqəsi"ndə göstərilən vaxtda imtahan binasının qarşısında olmalıdırlar.

İmtahana gələrkən namizədlər "İmtahana buraxılış vərəqəsi" və şəxsiyyət vəsiqəsinin əslini mütləq təqdim etməlidirlər. Göstərilən sənədlərdən biri olmadıqda və ya onlar arasında uyğunsuzluq olduqda namizəd imtahana buraxılmayacaq.

İmtahanlar 1 saat davam edəcək. İmtahan zamanı taksi minik avtomobili sürücülərinə xüsusi hazırlığın proqramını əhatə edən, etik davranış və avtomobil nəqliyyatı ilə sərnişin daşımalarını tənzimləyən normativ hüquqi aktlara dair 20 test tapşırığı, avtomobil nəqliyyatı ilə beynəlxalq sərnişin və yük daşımaları fəaliyyəti operatorunun məsul şəxsləri və beynəlxalq yük daşımalarını həyata keçirən sürücülərə isə peşəkarlıq səriştəsinə dair 25 test tapşırığı təqdim ediləcək. Hər tapşırığın düzgün cavabı 1 balla qiymətləndirilir. Səhv cavablar düzgün cavabların nəticəsinə təsir göstərmir. 10 və daha çox bal toplamış taksi minik avtomobili sürücüləri, 15 və daha çox bal toplamış beynəlxalq sərnişin və yük daşımaları fəaliyyəti operatorunun məsul şəxsləri və beynəlxalq yük daşımalarını həyata keçirən sürücülər imtahanı müvəffəqiyyətlə vermiş sayılırlar və onlara müvafiq şəhadətnamələr təqdim ediləcəkdir.

“Yaddaş kitabçası” ilə buradan tanış ola bilərsiniz. İmtahan iştirakçılarından xahiş edirik ki, kitabça ilə mütləq tanış olsunlar.

Elm və Təhsil Nazirliyinin təşəbbüsü ilə elmi-tədqiqat institutlarında çalışan alimlərə elmi fəaliyyətlərinə görə hər ay 1000 manatadək mükafat veriləcək və artıq prosesə başlanılıb.

"Operativ Məlumat Mərkəzi-OMM" xəbər verir ki, bu vəsait Elm və Təhsil Nazirliyinin tabeliyində olan elmi müəssisələrdə elmi göstəriciləri daha yüksək olan tədqiqatçılara ödənilir.

Qeyd edilib ki, bu addım alimlərin maddi rifahının yaxşılaşdırılması və elmi fəaliyyətlərinin stimullaşdırılması məqsədi daşıyır. Mükafatlandırma beynəlxalq impakt faktorlu jurnallarda dərc olunan məqalələrin sayını artırmaq üçün də əhəmiyyətli bir vasitə kimi nəzərdə tutulur.

Mükafatlandırma prosesinin əsasında Elm və Ali Təhsil üzrə Dövlət Agentliyi tərəfindən hazırlanmış “Elmi iş müəlliflərinin müəllif balının hesablanması metodologiyası” dayanır. Bu metodologiya 2018-2023-cü illəri əhatə edən elmmetrik göstəricilərə əsaslanır və bu dövr ərzində “Scopus” bazasında ən çox elmi işi dərc olunan 500 müəllifin göstəriciləri təhlil edilib.

Beynəlxalq təcrübədə də geniş istifadə olunan bu metodologiya, alimlərin fəaliyyətlərinin obyektiv qiymətləndirilməsinə imkan yaradır. Oxşar yanaşmalar, “Quacquarelli Symonds (QS)”, “Times Higher Education (THE)”, və “Shanghai Ranking (ARWU)” kimi beynəlxalq reytinq təşkilatları və elmi tədqiqatçılar tərəfindən istifadə olunur.