Bu şəhərdə ictimai yerlərdə smartfonlardan istifadə etmək qadağan edilib

Fransanın şimalında yerləşən Sen-Port şəhərində smartfonların ictimai yerlərdə istifadəsi qadağan edilib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Sene-et-Marne bölgəsindəki Sen-Port şəhərində həftəsonu ictimai yerlərdə mobil telefonlardan istifadə ilə bağlı səsvermə keçirilib. Belə ki, təxminən 1900 nəfərin yaşadığı qəsəbədə səsverməyə qatılan 272 nəfərdən 146-sı “hə” deyə səs verib və ictimai yerlərdə smartfonlardan istifadə qadağan edilib.

Qərarla əhali şəhər küçələrində, mağazalarda, bərbərlərdə və ya parklarda smartfonlardan istifadə edə bilməyəcək, kafe və restoranlarda yemək yeyərkən və ya uşaqlarını gözləyən zaman mobil telefonla vaxt keçirə bilməyəcək. Şəhər küçələrində itənlər isə telefonlarında xəritələrdən istifadə etmək əvəzinə başqa insanlardan istiqamət istəməli olacaqlar.