Afət Ziyadqızı
Böyük Britaniyadakı nüvə sualtı mühəndisləri Rusiya və Belarusiya mütəxəssisləri tərəfindən hazırlanmış proqram təminatından istifadə edirlər.
"Operativ Məlumat Mərkəzi-OMM" xəbər verir ki, bu barədə Britaniyanın “The Telegraph” qəzeti Böyük Britaniyanın Müdafiə Nazirliyindən əldə etdiyi sənədlərə istinadən məlumat yayıb.
Qəzet yazır: “Britaniyalı nüvə sualtı mühəndisləri Müdafiə Nazirliyinin qaydalarını pozaraq Rusiya və Belarusda hazırlanmış proqram təminatından istifadə edirlər.
Onun məlumatına görə, sualtı qayıqlar üçün proqram təminatının hazırlanması Böyük Britaniyadan təhlükəsizlik icazəsi olan işçilər tərəfindən həyata keçirilməli idi, lakin bu vəzifə qismən Sibir və Minskdən olan tərtibatçılara həvalə edilib.
