Britaniya hökuməti bu yay Parisdə keçiriləcək Olimpiadada Rusiya və Belarus idmançılarının iştirakını dəstəkləyib.

"Operativ Məlumat Mərkəzi-OMM" xəbər verir ki, bu barədə “The Times” yazıb.

Britaniya hökuməti Rusiyanın Beynəlxalq Olimpiya Komitəsində (BOK) iştirakını dəstəkləyən məktub göndərib. İngiltərə rusların və belarusların şərtlərə uyğun olaraq neytral statuslu yarışlarda iştirakını dəstəkləyib.

Mayın 1-də yeniyetmə və gənc stolüstü tennisçilər arasında ölkə birinciliyinə start veriləcək.

"Operativ Məlumat Mərkəzi-OMM" xəbər verir ki, Gənclər və İdman Nazirliyi ilə Azərbaycan Stolüstü Tennis Federasiyasının təşkil etdiyi yarışda ölkənin müxtəlif şəhər və rayonlarını təmsil edən idmançılar bacarıqlarını göstərəcəklər.

“Şüa İdman Kompleksi”ndə keçiriləcək yarışda iki yaş qrupunda - 2005-2008, 2009 və daha kiçik təvəllüdlü stolüstü tennisçilər arasında çempionlar müəyyənləşəcək. İştirakçılar komanda, şəxsi, qoşa və qarışıq qoşa növlərində qüvvəsini sınayacaqlar.

Fərqlənən idmançılara Gənclər və İdman Nazirliyinin diplom və medalları, həmçinin, ASTF-nin mükafatları təqdim olunacaq.

Azərbaycanın qadın şahmatçısı Ülviyyə Fətəliyeva Yunanıstanda keçirilən Avropa çempionatının qalibi olub.

"Operativ Məlumat Mərkəzi-OMM" xəbər verir ki, qrossmeyster bütün rəqiblərini qabaqlayaraq birinci yeri tutub.

Azərbaycan yarışda 10 şahmatçı ilə təmsil edilib.

Azərbaycan şahmatçısı Şəhriyar Məmmədyarov Almaniya Bundesliqanın qalibi olub.

"Operativ Məlumat Mərkəzi-OMM" xəbər verir ki, yığmamızın lideri çıxış etdiyi “Vierhneim” klubunun heyətində bu uğura imza atıb.

“Vierhneim” 16 komandanın dairəvi sistemlə mübarizə apardığı yarışda keçirdiyi 15 oyunun hamısında rəqiblərini məğlub edib.

Nicat Abasovun şərəfini qoruduğu “Ötighem” kollektivi ilə 6-cı yeri tutub.

Akademik avarçəkmə üzrə Azərbaycan yığmasının üzvü Diana Dımçenko Paris-2024 Yay Olimpiya Oyunlarına lisenziya qazanıb.

Bu barədə "Operativ Məlumat Mərkəzi-OMM"-ə Azərbaycan Kanoe və Avarçəkmə Federasiyasının mətbuat xidmətindən məlumat verilib.

Dımçenko bu uğura Macarıstanın Seqed şəhərində təşkil edilən Avropa Olimpiya Təsnifat reqatasında nail olub.

İdmançı yarımfinalda finişə hamıdan tez çatıb. O, 2000 metr məsafəyə yürüşdə birinci olub (07:40.67/07:40.67).

Bu nəticə ilə avarçəkənimiz əsas A finalına vəsiqə əldə edib. Reqlamentə əsasən, buradakı yarışı ilk üçlükdə başa vuran idmançılara olimpiada lisenziyası verilib.

Diana Dımçenko vəzifənin öhdəsindən gələrək Paris Olimpiadasına lisenziyanı təmin edib. Milli üzvü A finalında 2-ci olub.

Qeyd edək ki, sonuncu dəfə Azərbaycan avarçəkmə idman növündə 2016-cı ildə Braziliyanın Rio-de-Janeyro şəhərində təşkil edilən Yay Olimpiya Oyunlarında təmsil olunub.

Azərbaycan cüdoçusu Elcan Hacıyev (90 kq) Xorvatiyanın paytaxtı Zaqrebdə keçirilən Avropa çempionatının qalibi olub.

"Operativ Məlumat Mərkəzi-OMM" xəbər verir ki, yarımfinalda Aleks Kretini (Rumıniya) məğlub edən təmsilçimiz həlledici görüşdən də qələbə ilə ayrılıb.

E.Hacıyev bu dəfə Kristian Totu (Macarıstan) üstələyib.

Qeyd edək ki, yarışın ilk günündə Balabəy Ağayev (60 kq) gümüş medala sahib çıxıb. Növbəti gün Hidayət Heydərov (73 kq) qızıl medal qazanmaqla dördüncü dəfə Avropa çempionu olub.