Gürcüstanın Kutaisi şəhərində yeniyetmə boksçular arasında keçirilən beynəlxalq turnirdə idmançılarımız 13 medal qazanıblar.
Bu barədə "Operativ Məlumat Mərkəzi-OMM"-yə GİN-dən məlumat verilib.
İdmançılarımızdan Bilalhəbəşi Nəzərov (46 kq), Eldar Abdullazadə (52 kq) və Orucəli Cavadzadə (57 kq) qızıl, Mircəlal Mirağayev (75 kq) və İlkin Məmmədli (+80 kq) gümüş medal qazanıblar. Digər boksçularımızdan Ucal Musayev (46 kq), Zidan Hümbətov (48 kq), Sübhan Babayev, Əli Baxışov (hər ikisi 50 kq), Faiq Mollayev (52 kq), Elbrus Kərimli (54 kq), Hüseyn Hüseynli (80 kq) və Məhəmməd Cəfərov (+80 kq) isə bürünc medala sahib olublar.