Ayşə Aslan
BMT Baş Assambleyasının 77-ci sessiyasının prezidenti Çaba Koroşi Qoşulmama Hərəkatının COVID-19-dan sonrakı bərpaya həsr olunmuş zirvə görüşündə iştirak etmək üçün Azərbaycana gəlib.
"Operativ Məlumat Mərkəzi-OMM" xəbər verir ki, bu barədə BMT rəsmisi “Twitter” hesabında məlumat verib.
“Bakıda energetika naziri Pərviz Şahbazov və Azərbaycanın BMT-dəki Nümayəndəliyinin rəhbəri Yaşar Əliyev tərəfindən səmimi qarşılandım. Azərbaycanın məlumatlara, dəlillərə və elmə əsaslanan ağıllı enerjiyə keçidindən çox təsirləndim. Yaşıl enerji transformasiyasında liderlik edən ölkəyə səfər etməkdən məmnunam” – deyə o, paylaşımında qeyd edib.
