"Borussiya"da çıxış edən hücumameyilli yarımmüdafiəçi Ceymi Gittens Almaniyanın başqa klubuna keçə bilər.
"Operativ Məlumat Mərkəzi-OMM" xarici KİV-ə istinadən xəbər verir ki, 20 yaşlı futbolçunun transferində "Bayern" maraqlıdır.
Alman nəhənginin rəhbərliyi 20 yaşlı futbolçunu yay transfer pəncərəsində alacağını gözləyir.
İngilis futbolçu üçün "Bayern"dən başqa, Premyer Liqa klubları da mübarizə apara bilər.
Gittens bu mövsüm 23 oyun keçirib. Yarımmüdafiəçi 9 qol vurub və 4 məhsuldar ötürmə edib.
"Transfermarkt" portalının ekspertləri futbolçunun bazar dəyərini 50 milyon avro qiymətləndirir.
