Almaniya kubokunun finalında “Bayer” “Kayzerslautern”la qarşılaşıb.
"Operativ Məlumat Mərkəzi-OMM" xəbər verir ki, görüş Berlindəki Olimpiya Stadionunda baş tutub.
Oyunda yeganə qolu matçın 16-cı dəqiqəsində Qranit Caka vurub.
Bununla da “Bayer” tarixində ikinci dəfə Almaniya Kubokunu qazanıb.
2023/24 mövsümündə “Bayer” bütün turnirlərdə yalnız bir məğlubiyyət alıb.
Komanda ardıcıl 51 matç məğlub olmayıb.
“Bayer”in məğlubiyyətsizlik seriyasına Avropa Liqasının finalında İtaliyanın “Atalanta” klubuna 0:3 hesabı ilə məğlub olmaqla son qoyulub.
