Əsas məzmuna keç

Batumidə Azərbaycan və Türkiyə vətəndaşları saxlanıldı

Batumidə Azərbaycan və Türkiyə vətəndaşları saxlanıldı

Gürcüstan DİN-in Acarıstanda keçirdiyi əməliyyatla külli miqdarda narkotik vasitə müsadirə edilib. Narkotrafikdə ittiham olunanları ömürlük həbs cəzası gözləyir.

en ru

Daxili İşlər Nazirliyinin Acarıstan Polis İdarəsinin əməkdaşları tərəfindən Batumidə xüsusilə külli miqdarda dövriyyəsinin qarşısının alınması məqsədilə xüsusi əməliyyat keçirilib.

“Operativ Məlumat Mərkəzi-OMM” xəbər verir ki, nazirliyin yaydığı rəsmi açıqlamada 1993-cü il təvəllüdlü vətəndaşı N.A. və eyni il təvəllüdlü vətəndaşı S.C.-nin saxlanıldığı bildirilir. Həmin şəxslər xüsusilə külli miqdarda narkotik vasitələrin qanunsuz alınması, saxlanması və satışına kömək etməkdə ittiham olunurlar.

Şübhəli şəxslərin üzərində və müvəqqəti yaşayış yerlərində aparılan axtarış zamanı maddi sübut kimi xüsusilə külli miqdarda "heroin" aşkarlanaraq götürülüb. İstintaq materiallarına əsasən, təqsirləndirilən şəxslər narkotik maddələri qablaşdıraraq Batumi şəhərinin müxtəlif ərazilərində satış məqsədilə gizlədiblər.

Hüquq-mühafizə orqanlarının əməkdaşları əməliyyat zamanı narkotik maddələrin qablaşdırılması üçün istifadə olunan materialları da müsadirə ediblər.

Faktla bağlı Gürcüstan Cinayət Məcəlləsinin müvafiq bəndi ilə istintaq tədbirləri davam etdirilir. Təqsirləri sübuta yetiriləcəyi təqdirdə, saxlanılan şəxsləri 20 ilədək və ya azadlıqdan məhrumetmə cəzası gözləyir.

OMM Bot · Bu gün ən çox oxunan 5 xəbəri göstərim?

Müəllif

Jurnalist

Bütün yazıları ›
Növbəti xəbər yüklənir…